بنك النكت

واحد نشر فى إعلانات مبوبة مطلوب زوجة

تانى يوم جاله مائة جواب فيهم نفس الرد تاخد بتاعتى؟

مرة واحد قال لمراته :اعملى حسابك
هنتغدى بره النهارده
رجع من الشغل لقاها حاطة الأكل فى الشارع

مرة دكتور دخل عنبر فى سرايا المجانين

لقى راجل بيخبط دماغه فى الحيط سأل الممرضة ماله ده؟

قالت:أصله كان بيحب واحدة ومتجوزهاش

دخل العنبر اللى بعده لقى واحد بيضرب نفسه على رأسه بالشبشب

قالها :وده ماله ؟

قالت له:أصل ده اللى إتجوزها

واحد متجوز قاعد فى البيت وبيبص كتير فى عقد الزواج

مراته قالت له :بتبص فى عقد الزواج ليه يا حبيبى؟

قالها:مش عارف المأذون كتب تاريخ إنتهاء العقد فين ؟

واحد ماشى مع خطيبته آخر إنسجام

قالها:الحب زى النجوم الجميلة اللى فى السماء

قالت له :طيب والجواز ؟

قالها:دى الحفرة اللى بنقع فيها وإحنا بنبص على النجوم

واحد وهو بيموت بص لمراته بصه كلها رومانسيه وقالها: انا لما اتفصلت كنتى معايا، و لما عييت وقفتى جنبى، ولما فلست برضوا كنتى معايا،
و دلوقتى لسا جنبى،
مسك ايدها بحنية جامدة وقالها : مش عارف ليه حاسس انك نحس

واحد لاقى مراته بتخونه مع صاحبه جاب المسدس وقتله. صرخت‏فيه وقالتله اهى عصبيتك دى هى اللى هتخسرك اصحابك كلهم

واحد غبي بيقول للصيدلي إدينى حقنة من اللى بتاخدھا مراتى
الصيدلى سأله: اسمھا ايه؟
قاله: مديحة

مرة واحد هو وابنه ميعرفوش هو ايه الاسانسير بس شايفين حاجة فى الحيطة عمالة تتفتح وتتقفل وهما مش فاهمين حاجة ....... المهم جت واحدة عجوزة داست على الزر اللى في الحيطة ودخلت الاسانسير وبعد شوية الاسانسير نزل وطلعت منه شابة جميلة ..... الراجل قال لابنه روح هات امك هنا بسرعة

واحد إتصل بمراته وقال لها "انا كسبت مليون دولار جهزى شنطتك بسرعة"
‏قالت له:" طيب اجيب معايا‏هدوم صيفى ولا شتوى؟"
‏ قالها : " ‏شيلى كل هدومك المهم آجى مالاقيكيش في البيت"

واحد مراته ماتت.... سألوه .. ندفن الجثة ولا نحرقها ؟
قالهم إحرقوها و بعدين إدفنوا الرماد

أثنين فى السوق زوجاتهم تاهوا منهم بيدوروا عليهم‏،واحد بيسأل التانى هى مراتك شكلها ايه..
قاله: مراتى بيضة وشعرها أصفر ولابسه بلوزة قصيرة وشفافة وشورت جينز‏ضيق، وبعدين سأله وانتا مراتك شكلها ايه؟
قاله سيبك منها تعال ندور على‏مراتك.

واحد عنده ديدان ببطنه.. راح عند كل الدكاترة لا أحد عرف يعالجه، قالوله فيه شيخ يساعدك، ذهب عنده فقال له مشكلتك بسيطة، روح اشتري بطيخة حمرة كبيرة اقعد عليها.. رئيس الديدان ينزل ويلحس منها شوية، يلاقيها حلوة فيقول للديدان.. شباب انزلوا.. ذهب واشترى اكبر بطيخة وقعد عليها.. نزل رئيس الديدان ولقاها حلوة.. فقال لهم.. شباب طلعوها!!

مدرس عربي دخل الفصل قال اليوم حصة املاء.. يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف؟؟؟ الاستاذ قاله خلاص يا ابنى خليها الخميس...

توأم بيقول لاخيه - فينك يازفت من الصبح -امك حمتني مرتين

واحد بخيل جاب ثلال تفاحات، فتح اول واحده لاقاها معفنه رماها، فتح تانى واحده لاقاها معفنه رماها.. قام طفى النور واكل الثالثة...


مرة واحد احول فرش فرشة عشان ينام... نام جنبها...